Hósdagin 16. septembur 2021 kl. 13-16 skipar bituff fyri Vinnuráki í Norðurlandahúsinum við heitinum Samrøður í arbeiðshøpi. Hendan seinnapartin fáa luttakararnir hópin av íblastri og dømum um góðu og minni góðu samrøðuna. Á skránni er nakað av ástøði, góðum ráðum og greitt verður eisini frá, hvat fremur góðu samrøðuna, og hvussu vit best fyrireika okkum.
Alskyns samrøður fara fram í arbeiðslívinum: Setanarsamrøður, umsorganarsamrøður, sjúkrasamrøður, menningarsamrøður, ávaringarsamrøður, viðurkennandi samrøður osfr. Stundum er kenslan góð eftir eina samrøðu, og stundum eru vit púra drenaði eftir eina samrøðu.
- Hvat er ein samrøða?
- Hvat eyðkennir góðu samrøðuna?
- Hvussu fyrireiki eg meg?
- Nær er samrøðan neyðug?
- Nær er skilagott við hjásitara?
- Hvat, um tann eg tosi við verður óð/ur, kedd/ur …ella eg sjálv/ur blívi óð/ur ella kedd/ur?
Bergtóra Høgnadóttir, sum leiðir Vinnurákið, fer at at geva sítt boð uppá omanfyri nevndu spurningar. Bergtóra hevur í sínum arbeiðslívi havt samrøður í túsundatali, og hennara arbeiðsroyndir eru fjølbroyttar. Úr skjáttuni kann nevnast: sosialráðgevi, konsulentur, kveikjari, politikari, HR-mennari og HR-leiðari. Hon er útbúgvin sosialráðgevi, trætuloysari og Master í positivari sálarfrøði.
Luttøkukostnaður og tilmelding
Kostnaðurin er 650 kr. íroknað mvg.
Melda til við at skriva til info@bituff.com
HVAT ER VINNURÁK?
Vinnurák verða hildin við jøvnum millumbilum og eru ein røð av kunnandi fyrilestrum um ymisk nútímans evni, sum eru viðkomandi fyri vinnulívið. Les meira um okkara Vinnurák HER
