Til ber eisini at luttaka bert annan dagin (3.495 kr) skriva til okkum á info@bituff.com
GRAFISK FASILITERING GER SAMSKIFTI LÆTTARI
Lættari hjá tær at miðla tín boðskap!
Lættari hjá tínum luttakarum at skilja evnið!
Lættari hjá tykkum at seta felags mál!
BETRI UNDIRVÍSING, FUNDIR OG SAMSTARV
Grafisk Fasilitering er kent um allan heim og verður brúkt bæði innan undirvísing og í arbeiðslívinum. Besta grundgeving fyri at nýta Grafiska Fasilitering í arbeiðshøpi er, at menniskjaheilin betri skilir myndir enn tekst. Í arbeiðslívinum krevst ofta, at vit duga at lýsa hugskot, tankar og uppgávur á ein sjónligan hátt. Grafisk Fasilitering merkir heilt einfalt, at tú teknar ímyndir og skap, so tín boðskapur gerst lættari hjá áhoyrarunum at skilja.
Fyrra dagin verður dentur lagdur á grundvenjingar, og seinna dagin verður arbeitt við at sniðgeva egnar prosessir og tekningar, tekna egin ikon, læra ymsar skriftir, tekna í fleiri løgum, duga at skipa pappír, velja format og vita, hvussu Grafisk Fasilitering kann brúkast í júst tínum yrki.
Tú lærir at nýta Grafiska Fasilitering á ymsan hátt og lærir eisini at seta onnur í sving so øll á arbeiðsplássinum fáa gagn av Grafiskari Fasilitering. Vit venja meginpartin av tíðini, fyri at tú skalt kenna teg enn tryggari í at brúka Grafiska Fasilitering í tínum arbeiði.
TÆR TØRVAR ALS ONGAR TEKNIGÁVUR – hetta er fyri øll, og tú fært amboð til at miðla á ein lættan, øðrvísi og sera munadyggan hátt.
Dagur: Hósdagin og fríggjadagin 18. og 19. apríl 2024
Til ber eisini at luttaka bert annan dagin, skriva til okkum á info@bituff.com
Tíð: 08.30 – 15.00
Stað: Bakkastova í Kaffihúsinum í Tórshavn
Undirvísarar: bituff
Kostnaður fyri báðar dagar: 6.990 kr. – ábit og tilfar er íroknað
Kostnaður fyri annan dagin: 3.495 kr. – ábit og tilfar er íroknað
Til ber eisini at bíleggja skeiðið skraddaraseymað til tína fyritøku ella stovn. Grafisk Fasilitering er eisini eitt sera vælhóskandi amboð til starvsfólkadagar og alskins stórbólkaprosessir, les meira HER
