Verkætlanardagur 2019

Loading Tiltøk

Verkætlanardagur 2019

SET X Í KALENDARAN

Verkætlanardagurin 2019 verður hildin fríggjadagin 22. mars frá kl. 9.00 – 16.00 í Skálanum í Norðurlandahúsinum.

Hetta er triðja árið á rað at skipað verður fyri einum heilum degi um verkætlanarleiðslu. Í 2017 var høvuðsevnið HVAT ER EIN GÓÐUR VERKÆTLANARLEIÐARI og í 2018 var evnið SMIDLIG VERKÆTLANARLEIÐSLA – hví, hvat og hvussu.

Hesaferð fer dagurin at snúgva seg um, hvussu tú sum verkætlanarleiðari stýrir eftir nyttu heldur enn bert at stýra eftir veitingum. At knýta rætt samband millum nyttu og veiting er krevjandi, og tað er uppgávan hjá eigara og verkætlanarleiðara.

Endamálið við verkætlanardegnum er at:
• at geva verkætlanarleiðarum og øðrum ið arbeiða við verkætlanum íblástur
• at menna og lyfta støðið og góðsku á verkætlanararbeiði
• at menna yrkið, soleiðis, at verkætlanir geva vinning og virði fyri rætta viðkomandi

Á verkætlanardegnum gera vit ikki mun á fak- ella vinnuøki, men ynskja at menna verkætlanarleiðslu sum amboð, tilgongd, ástøði og yrkisleið. Verkætlanardagurin er ætlaður verkætlanarleiðarum hjá tí almenna og í vinnulívinum, umframt øllum teimum, ið hava áhuga fyri verkætlanarleiðslu ella eru tilknýtt eini verkætlan.

Vælkomin til Verkætlanardagin 22. mars 2019.

Kostnaður 2.495 kr. íroknað MVG

Melda til HER.

March 22 2019

Details

Date: 22. March
Time: 09:00 - 16:00
Cost: 2.495KR