Stutt og greitt um Scrum

Loading Tiltøk
  • This Tiltak has passed.

Stutt og greitt um Scrum

Hesaferð snýr Vinnurákið seg um Scrum og tað er Maibritt Højgaard frá bituff sum fer at leiða tiltakið. Hon fer at greiða frá, hvussu Scrum kann nýtast tá arbeitt verður í eini verkætlan.

Agil ella smidlig verkætlanarleiðsla er kend fyri at geva góða framgongd serliga í KT-verkætlanum, men onnur sum arbeiða við øðrum sløgum av verkætlanum kunnu eisini fáa gleði av smidligu tilgongdini.

Scrum er bert ein av smidligu tilgongdunum sum hevur vind í seglunum beint nú. Í nógvum vinnum verður tosað alsamt meira um at arbeiða agilt. Hetta kemur partvís av tí at alt skal ganga so skjótt, krøv í verkætlanum økjast, menningin innan tøkni er stór og hetta viðførir at uppgávuloysnin gerst meira torgreidd ella kompleks. Scrum og agilitetur er ikki fyri allar verkætlanir og uppgávur, men ert tú forvitin eftir at vita um hetta er nakað fyri teg og tær verkætlanir tú arbeiðir við, so kom til Vinnurákið og fá innlit í ástøði, málburð, leiklutir og amboð í Scrum. Vit fara at arbeiða við einari góðari blanding av stuttum innsløgum, venjingum og einstøkum dømum frá fyritøkum, ið arbeiða við Scrum.

Maibritt Højgaard er útbúgving sálarfrøðingur, verkætlanarleiðari og er Scrum master og hevur í nógv ár lært og vant verkætlanarleiðarar úr almenna og privata geiranum í verkætlanarleiðslu.

Um tú kundi hugsað tær meira íblástur og vitan um hetta evni, so ver vælkomin á Vinnurákið, sum verður hildið mikudagin 2. oktobur í Norðurstovu í Norðurlandahúsinum.

MELDA TIL

Maibritt Højgaard

October 02 2019

Details

Date: 2. October
Time: 13:00 - 16:00
Cost: 650KR