Tíðindi

Scrum – eitt smidligt og hent amboð

Mikudagin 2. oktobur skipaði bituff fyri vinnurákinum, Stutt og greitt um scrum, í Norðurlandahúsinum við góðari undirtøku. Maibritt Højgaard leiddi teir 20 luttakararnar ígjøgnum tríggjar sera læruríkar og aktivar tímar, har skift var ímillum ástøði og praktiskar venjingar. Scrum, sum er eitt hent amboð, er vælegnað til at stýra bæði størri og smærri verkætlanir, har […]

Væntanir til samrøður hava alt at siga

Í gjár skipaði bituff fyri vinnuráki um samrøður á arbeiðsplássinum – lær at lurta og spyrja. Hanne V. Moltke frá donsku fyritøkuni New Stories leiddi dagin, sum var áhugaverdur og upplýsandi. Eitt sum stendur eftir hjá teimum 60 luttakarunum er heilt vist, at væntanir til samrøður hava alt at siga. Komandi vinnurák verður hildið 2. […]

Tíðarbært vinnurák um hvussu fjølbroytni kann skapa virði

Hósdagin 5. septembur skipaði bituff aftur fyri Vinnuráki í Norðurlandahúsinum, hesaferð við evninum Welcoming foreign labor into a small society – Hvussu kann fjølbroytni skapa virði? David Im, integratiónssamskipari á Útlendingastovuni, leiddi tiltakið, sum var serstakliga áhugavert og tíðarbært. Skift varð millum fyrilestrar og verkstovu. David megnaði veruliga at seta fokus á hvussu stóran týdning […]

Samrøður á arbeiðsplássinum við Hanne V. Moltke

Mikudagin 18. septembur verður vinnurák hildið við Hanne V. Moltke frá donsku ráðgevingarfyritøkuni New Stories sum arbeiðir við leiðslumenning, “sosial kapital”, inplacement, samskifti og arbeiðsumhvørvi. Evnið hesaferð er: Samrøður á arbeiðsplássinum – lær at lurta og spyrja. Hanne fer at deila sína vitan og royndir innan hetta øki við okkum. Dagliga arbeiðir Hanne sum virkisráðgevi […]

Grafisk skjalføring á starvsfólkadegi

Hin 10. mai skjalførdu vit ein starvsfólkadag við grafiskari fasilitering. Grafisk Skjalføring er ein sjónbar endurgeving av t.d. einum starvsfólkadegi, fundi, framløgu, tiltaki ella ráðstevnu. Hesaferð teknaðu vit eina 7 metur langa tekning út frá skrá, innihaldi og niðurstøðum á einum starvsfólkadegi. Teknað varð í sama rúmi, sum áhoyrararnir og fyrilestrarnir vóru í, og at […]

Nógv nýggj og spennandi vitan á Vinnuráki um Framtíðarinnar Starvsfólk

Seinasta fríggjadag 15. mars skipaði bituff fyri enn einum Vinnuráki í Skálanum í Norðurlandahúsinum. Hesaferð var tað Eva Skeel Nolsø, starvsfólka- og marknaðarstjóri hjá Føroya Tele, sum leiddi tiltakið, ið hesaferð hevði yvirskipaða heitið Framtíðarinnar Starvsfólk. Eva tosaði út frá 3 temaum, starvsfólk, organisatión og leiðslu. Í heilar 3 tímar megnaði hon at fóðra teir […]

Heimsmálini áhugaverd fyri organisatiónir

Heimsmálini áhugaverd fyri organisatiónir. Norðurstova í Norðurlandahúsinum var í gjár karmur um eitt fullsett Vinnurák, ið snúði seg um hvussu organisatiónir kunnu arbeiða við heimsmálunum. Tađ var sera áhugavert at hoyra Rúna Rasmussen, deildarleiđara á Løgmansskrivstovuni, og Margrethu Jacobsen, fulltrúđa í UVMR, greiđa frá um heimsmálini og koma við dømum um hvussu organisatiónir bæði í […]

Eitt hent amboð

Vælumtókta skeiðið í Grafiskari Fasilitering (GF) varð hildið í dag við áhugaðum luttakarum úr ymsum vinnugreinum. Luttakararnir lærdu grundteknikkirnar í GF og fóru av skeiðnum við einum nýggjum amboði í skjáttuni. GF kann nevnliga brúkast alt fyri eitt á ymsan hátt í gerandisdegnum. Komandi skeið í GF verða hildin 26. apríl (GF I) og 27. […]

Vinnurák 7. februar við Rúna Rasmussen

Hósdagin 7. februar verður Vinnurák hildið við Rúna Rasmussen. Evnið hesaferð er: Hvussu kunnu organisatiónir arbeiða við Heimsmálunum?. Rúni fer at deila sína vitan og royndir innan hetta økið við okkum. Rúni Rasmussen er deildarstjóri á Løgmansskrivstovuni og er samskipari í arbeiðsbólki í landsstýrinum, sum arbeiðir við Heimsmálunum. Rúni er útbúgvin stjórnmálafrøðingur og hevur fjølbroyttar […]

Nýggjur íblástur á VIZ FO 2018

Í dag varð VIZ FO 2018 hildið í Norðurlandahúsinum. Dagurin var spekkaður við nýggjum hugskotum, teknikki og íblástri innan visuelt samskifti. Danin Jesper Oehlenschläger, ið hevur sera nógvar royndir innan grafiska fasilitering, var undirvísari á degnum. Luttakararnir komu frá ymsum vinnugreinum og teknaðu allan dag á tamb og fóru væl nøgdir heim við nýggjum lærdómi […]

Eg dugdi at tekna, áðrenn eg dugdi at grulva

Hetta sigur Jesper Oehlenschläger, sum er undirvísari á VIZ FO 2018, ið er ein spennandi íblástrardagur um grafiska fasilitering. Jesper leggur afturat, at hann tey seinastu 5 árini hevur upplivað, hvussu stóran týdning visualisering hevur sum undirvísingar- og samskiftisamboð í alskyns høpum. Hann er í dag eisini vælnøgdur við at kunna rópa seg sjálvan Flipover-Freak […]

Glað starvsfólk eru great business

Hetta segði Bergtóra Høgnadóttir, HR-leiðari hjá SEV, sum leiddi Vinnurákið hósdagin 11. oktobur í Norðurstovu í Norðurlandahúsinum. Starvsfólk, sum ikki trívast eru hvørki loyal, engagerað ella produktiv. Tá starvsfólk trívast, verða tey meiri skapandi, tey gerast umboðsfólk fyri fyritøkuna, ávirka at onnur fáa hug at søkja arbeiði í fyritøkuni, tey verða verandi í longri tíð […]

Samleiki skal merkjast í búkinum

Hetta søgdu Ólavur og Camilla, sum leiddu Vinnurákið seinasta fríggjadag 8. juni í Norðurstovu í Norðurlandahúsinum. Vinnurákið snúði seg hesaferð um samleika hjá fyritøkum og stovnum. Ólavur Jensen og Camilla Frederiksen, sum bæði eru serfrøðingar á økinum, tó innan hvør sítt umráði, suppleraðu serstakliga væl hvønn annan. Ólavur tók støði í virkisgrundarlagnum og innara og […]

Tú verður ongantíð liðugur at arbeiða við samleika


Hesi orðini eigur Ólavur Jensen, sum leiðir Vinnurákið komandi fríggjadag 8. juni í Norðurstovu í Norðurlandahúsinum frá kl. 13-16. Umheimurin broytist alla tíðina og kappingarneytarnir við. Um tú ynskir at vera partur av ”gaminum”, mást tú fylgja við sum fyritøka/stovnur og støðugt arbeiða við tillagingum. Um tú stendur í stað og einki gert, dragnar tú […]

Hugsa teg um, og fyrireika teg væl!

“Before you can succeed, you must prepare” Hendan endurgeving hjá Abraham Lincoln var gjøgnumgangandi boðskapurin á Vinnurákinum fríggjadagin 25. mai í Norðurstovu, sum hesaferð snúði seg um starvsleið. Oda Ellingsgaard, sum leiddi Vinnurákið, legði stóran dent á, hvussu neyðugt tað er, at tú hugsar teg um, og fyrireikar teg væl, áðrenn tú søkir eitt starv. […]

Vinnurák: Hvør er mín starvsleið?

Hvat er ein starvsleið? Hvussu geri eg eina ætlan fyri mína starvsleið? Hvussu
 menni eg mína starvsleið? Hvat motiverar meg? Hvørjar eginleikar havi eg í
 posanum, sum eg kann arbeiða við? Verkstovan vendir sær til leiðarar, HR-fólk 
og einstaklingar sum ynskja at arbeiða skipað við hugtakinum starvsleið. Hugtakið starvsleið sipar ofta til 1) ung og […]

Kennir tú Vinnurák?

Hetta er ein seinnapartur, har tú bert skal hugsa um at fáa íblástur og hitta fólk. Vinnurák eru á breddanum við jøvnum millumbili og eru kunnandi fyrilestrar ella verkstovur, ið viðgera ymisk evni, sum eru viðkomandi fyri vinnulív, stovnar og einstaklingar. Undanfarnu Vinnurák snúðu seg um: Mynstring og avmynstring í starvinum, Hvussu fyritøkur og stovnar […]

HR virðismett á altjóða arbeiðsmarknaðinum

Neyðugt er at brúka góðar tilgongdir og neyðugu tíðina í sambandi við útvegan av starvsfólki bæði í almennu og privatu vinnuni. Hetta varð staðfest av Odu Ellingsgaard, sum í dag deildi sína vitan og royndir á fyrsta Vinnurákinum hjá bituff í fullsettari Norðurstovu seinnapartin í dag. Oda Ellingsgaard arbeiðir sum Talent Adquisition Partner hjá stóru […]

Oda er klár til Vinnurák í morgin

Oda gleðir til til Vinnurákið í Norðurstovu í Norðurlandahúsinum, sum verður í morgin kl. 13.00 – 16.00. Sí video HER

Myndir Verkætlanardagur 2018

Góð undirtøka frá fjølbroyttum vinnugreinum

Les meira um Verkætlanardagin HER

Innovatión við Jónu Olsen

Á Verkætlanardegnum 23. mars fer Jóna Olsen frá Føroya Tele at greiða frá sínum royndum við smidligari verkætlanarleiðslu, og hvussu nýggj háttaløg krevja venjing, tillaging og tol.

Mongun brestur ætlan

Aftur í ár skipar bituff fyri einari spennandi ráðstevnu fyri verkætlanarleiðarar og teimum, ið arbeiða við verkætlanum í fyritøkum og á stovnum. Dagurin er fyri allar verkætlanarleiðarar og teirra leiðarar. Evnið á Verkætlanardegnum í ár er agil verkætlanarleiðsla. Mitt í 80-unum kom smidlig ella agil verkætlanarleiðsla fram fyri fyrstu ferð á ein skipaðan hátt. Smidligi […]

Góð úrslit við Smidligari Verkætlanarleiðslu

Ágrýtnir luttakarar á skeiði í Grafiskari Fasilitering

Mándagin 26. februar var skeið í GF I og II hildið í hølum hjá Starvsmannafelagnum í Tórshavn. Skeiðsluttakararnir, sum vóru úr ymsum vinnugreinum við ymiskari bakgrund, vóru sera arbeiðssamir og áhugaðir í at læra hetta spennandi amboð. Undirvísingin varð skipað í 2 hølum við byrjunarstigi í øðrum og fyri víðarikomin í hinum. GF kann sostatt […]

SCRUM – ein smidligur verkætlanarleistur

Henrik Schelde Andersen innleiðir Verkætlanardagin 2018

Skrá fyri dagin: LES MEIRA

Týskt í ferðavinnuni v/Turid Thomsen

Tað er royndi miðnámsskúlalærarin Turid Thomsen, sum undirvísir á skeiðunum, ið eru málrættað ferðavinnuni. Turid skrivar soleiðis um seg sjálva: Síðan eg sum ung var skiftisnæmingur í Týsklandi, hevur týska málið, mentanin og landið verið partur av mínum lívi. Eg eri útbúgvin cand. mag. við týskum sum høvuðsgrein og donskum sum hjágrein. Eg havi drúgvar […]

Headhunting v/Odu Ellingsgaard

Í apríl mánaða kemur Oda Ellingsgaard til Føroya at hava fyrilestrar og verkstovur um útvegan av starvsfólki. Oda Ellingsgaard fer at deila sína vitan og nógvu royndir innan hetta økið við okkum. Oda hevur arbeitt á altjóða marknaðinum við útvegan av starvsfólki seinastu nógvu árini. Oda hevur m.a. arbeitt í 5 ár hjá KornFerry, sum […]

Fullteknað skeið í Sponskum

Fyrsta kvøldið av tíggju kvøldum í sponskum, varð hildið í gjárskvøldið í Lamba Skúla. 15 fólk í ymsum aldri hava meldað seg til, og er skeiðið sostatt fullteknað.

Hví ikki?

Í sambandi við at bituff bleiv 1 ár í septembur, var hendan grein í Vikublaðnum.

NUDGING

Skrivað: Maibritt Højgaard Orðið nudge er elligamalt og merkir grundleggjandi at skumpa við alboganum ella eitt lítið skump. Hyggja vit eftir eldri týdningum, kann nudging eisini merkja, at man er eitt grenj ella eitt illkvendi. Í nýggjari tíð er nudging vorðið eitt vísindi fyri seg, ið byggir á sosiala sálarfrøði, atburðarbúskap og kognitiva sálarfrøði. Sprotin.fo […]

Vitan og forvitni skal til fyri at niðurbróta tabu.

Á temakvøldinum hjá bituff, sum verður í Løkshøll mikukvøldið 7. desembur kl. 19.30, fer næstforkvinnan í Sinnisbata, Laura Apol, at luttaka í kjakpanelinum. Laura leggur dent á týdningin av, at vit eru fleiri sum eru við til at varpa ljós á sálarsjúku, og til at niðurbróta tabu, sum er rundanum hesa sjúku, sum er heilt […]

Prezi er bæði fyri talgild innfødd og talgildar tilflytarar

Tey, ið luttóku á skeiðnum í Prezi í seinastu viku, lótu væl at amboðnum og teimum fjølbroyttu møguleikunum, ið fylgja við. Undirvísarin, Kasper Hein, greiddi frá at persónar, sum hava havt internet, fartelefonir osfr. síðan tey vóru fødd, verða kallaði talgild innfødd, og vit onnur verða rópt talgildir tilflytarar. Harumframt nevndi Kasper, at Prezi er […]

Hvat er PREZI?

Maibritt Højgaard, partnari í bituff Kanska hevur tú rent teg inn framløguamboðið Prezi og kanska ikki. Orðið Prezi er ein ungarsk stytting av orðinum presentation. Prezi er er eitt online framløguamboð og varð ment í 2009. Við 7 árum á baki og uml. 75 milliónir brúkarum og 260 milliónum Prezi-framløgum kring heimin, slepst ikki undan […]

Fín verkstova í GF

Luttakararnir á verkstovuni í grafiskari fasilitering hugnaðu sær óført og teknaðu sum ongantíð áður. Eftir 3 tímar í fult sving, høvdu øll vunnið sær ein førleika í grafiskari fasilitering. Tiltakið var fullteknað við umleið 20 luttakarum, sum umboðaðu ymsar vinnugreinar. Gott í Saltangará var karmur um verkstovuna, og er tað eitt sera vælegnað høli við […]